Fyrirlestrar og námskeið

PROcoaching býður upp á úrval fyrirlestra sem eru 30 - 60 mín. langir. Einnig bjóðum við námskeið / vinnustofur sem geta verið allt frá 2 klst. upp í lengri þjálfun yfir ákveðið tímabil.

Gerð er góð þarfagreining áður en námskeið / vinnustofa hefst svo að tryggt sé að þjálfunin taki á þema og áskorunum hverju sinni. Lögð er áhersla á virka þátttöku og tengt er í veruleika þátttakenda til að hámarka árangur þjálfunarinnar.

Þemu í fyrirlestrum og námskeiðum / vinnustofum geta verið af ýmsum toga svo sem: 

• Leiðtogafærni
• Samskiptahæfni
• Markmiðasetning
• Að efla eigin hæfni
• Uppúr hjólfarinu - breyting á venju
• Skilvirk vinnubrögð

Hópmarkþjálfun

Hópmarkþjálfun er markþjálfun út frá ákveðnu þema fyrir hóp sem hefur áhuga á sama þema en hefur ekki sama markmið. Dæmi: Hópur stjórnenda sem vill efla sig í leiðtogafærni en hver einstaklingur hefur sitt markmið. Hér eru allir að læra á sínum forsendum en læra einnig af þeim sem eru í hópnum. Auk hefðbundins árangurs skapast og eflist gjarnan liðsheild slíks hóps og eikur því árangur hvers og eins.

Gerð er góð þarfagreining áður en þjálfun hefst svo að tryggt sé að þjálfunin taki á þema og áskorunum hópsins. Lengd þjálfunar getur verið allt frá 2 klst. upp í lengri þjálfun yfir ákveðið tímabil þar sem hópurinn hittist reglulega.

Þemu í hópmarkþjálfun geta verið af ýmsum toga svo sem: 

• Markmiðasetning
• Jafningjastjórnun
• Tímastjórnun
• Starfsmannasamtöl

Liðsheildarmarkþjálfun

Liðsheildarmarkþjálfun er markþjálfun fyrir hóp af fólki sem myndar eitt lið. Liðsheildin hefur sama markmið, dæmi: Eining í fyrirtæki sem á að ljúka ákveðnu verkefni s.s. innleiðingu á nýju kerfi, opnun á nýrri viðskiptaeiningu o.s.frv. Hér er áhersla á að hver liðsmaður sé mikilvægur hlekkur í keðjunni. 

Gerð er góð þarfagreining áður en þjálfun hefst svo að tryggt sé að þjálfunin taki á þema og áskorunum liðsheildarinnar. Lengd þjálfunar getur verið allt frá 2 klst. upp í lengri þjálfun yfir ákveðið tímabil þar sem hópurinn hittist reglulega.

Þemu í liðsheildarmarkþjálfun geta verið af ýmsum toga svo sem: 

• Jákvæð samskipti
• Sterkari liðsheild
• Að efla traust
• Betri þjónusta

Starfsdagar

Hvert er markmið dagsins? Hver er tilgangurinn?  Við förum bæði óhefðbundnar og hefðbundar leiðir með starfsdaginn, allt eftir ykkar þörfum.
Við sníðum dagskrána að þínum markmiðum svo hún skili tilsettum árangri og sé í leiðinni stórskemmtileg.

Hópefli

Af hverju að búa til hópefli? Það geta verið afar ólíkar þarfir að baki og því mikilvægt að hugsa það alla leið með útkomuna í huga. Hérna eru möguleikarnir endalausir, skemmtanagildið í fyrirrúmi og ögrandi áskoranir í takt við tilefnið. Við höfum farið margar leiðir og finnst fátt skemmtilegra en að vinna hópefli með krefjandi hópi. Við finnum pottþétt sameiginlega leið að markinu.