Viltu...

• skýrari framtíðarsýn ?
• hámarka árangur þinn?
• meiri sköpunargleði?
• betra jafnvægi milli vinnu og einkalífs?
• draga úr streitu?
• skilvirkari framkvæmd?
• meira hugrekki og þor?
• markvissari forgangsröðun?
• virkja ný tækifæri?
• leysa úr læðingi hæfileika?
• aukna hæfni?
• aukinn drifkraft?
• aukna velgengni?
• meiri meðvitund?
• breyta um stefnu?
• meiri aga?
• skýrari fókus?
• innihaldsríkara líf?

...þá skulum við tala saman.

Hvað er markþjálfun?

Markþjálfun  er skipulagt og kerfisbundið samtalsform sem byggir á trúnaðarsambandi milli viðskiptavinar og markþjálfa.  Hún styðst við markvissa viðtalstækni til að auka sjálfsskilning og ábyrgð einstaklinga.  Hún fer fram með reglubundnum samtölum og byggir á hnitmiðuðum og vekjandi spurningum,  viðtölum, verkefnum, prófum, æfingum og fræðslu þar sem viðskiptavinurinn er í brennidepli.

Markþjálfun veitir viðskiptavinum umgjörð, stuðning og endurgjöf til að bæta eigin frammistöðu og er leið til að breyta því sem þú vilt breyta og þannig stuðla að auknum lífsgæðum. 

Markþjálfun er bæði skemmtilegt og krefjandi samtal sem stuðlar að auknum persónulegum þroska og betri árangri í lífi og starfi.

Af hverju ættir þú að nýta þér markþjálfun?

• Hún laðar fram það besta í þér og hjálpar þér að gera þína sýn að veruleika.
• Hún hjálpar þér að finna leiðina að þeim árangri sem þú vilt ná og heldur þér við efnið.
• Hún opnar í senn tækifæri til sjálfsskoðunar  og nýrra sóknarfæra í lífi og starfi.  
• Hún fer fram á þínum forsendum og þjónar þínum viðfangsefnum og vexti.
• Hún er skemmtilegt, þroskandi og áhrifaríkt ferli.

Hópmarkþjálfun

Hópmarkþjálfun er markþjálfun út frá ákveðnu þema fyrir hóp sem hefur áhuga á sama þema en hefur ekki sama markmið. Dæmi: Hópur stjórnenda sem vill efla sig í leiðtogafærni en hver einstaklingur hefur sitt markmið. Hér eru allir að læra á sínum forsendum en læra einnig af þeim sem eru í hópnum. Auk hefðbundins árangurs skapast og eflist gjarnan liðsheild slíks hóps og eikur því árangur hvers og eins.

Gerð er góð þarfagreining áður en þjálfun hefst svo að tryggt sé að þjálfunin taki á þema og áskorunum hópsins. Lengd þjálfunar getur verið allt frá 2 klst. upp í lengri þjálfun yfir ákveðið tímabil þar sem hópurinn hittist reglulega.

Þemu í hópmarkþjálfun geta verið af ýmsum toga svo sem: 

• Markmiðasetning
• Jafningjastjórnun
• Tímastjórnun
• Starfsmannasamtöl

Liðsheildarmarkþjálfun

Liðsheildarmarkþjálfun er markþjálfun fyrir hóp af fólki sem myndar eitt lið. Liðsheildin hefur sama markmið, dæmi: Eining í fyrirtæki sem á að ljúka ákveðnu verkefni s.s. innleiðingu á nýju kerfi, opnun á nýrri viðskiptaeiningu o.s.frv. Hér er áhersla á að hver liðsmaður sé mikilvægur hlekkur í keðjunni.
Gerð er góð þarfagreining áður en þjálfun hefst svo að tryggt sé að þjálfunin taki á þema og áskorunum liðsheildarinnar. Lengd þjálfunar getur verið allt frá 2 klst. upp í lengri þjálfun yfir ákveðið tímabil þar sem hópurinn hittist reglulega.
Þemu í liðsheildarmarkþjálfun geta verið af ýmsum toga svo sem:
    •    Jákvæð samskipti
    •    Sterkari liðsheild
    •    Að efla traust
    •    Betri þjónusta

Markþjálfi

Ragnheiður Aradóttir er stofnandi og eigandi PROcoaching. Hún er PCC vottaður stjórnendamarkþjálfi frá Opna Háskólanum.  Hún markþjálfar fjölda stjórnenda innan lands sem utan og á að baki um 2000 tíma í markþjálfun. Ragnheiður hefur 30 ára reynslu úr viðskiptalífinu sem stjórnendaþjálfari, ráðgjafi, markþjálfi, atvinnurekandi, viðskiptastjóri, verkefnastjóri og sölu- og markaðsstjóri. Hún hefur mikinn metnað fyrir því að hámarka virkni og árangur viðskiptavina sinna á þeirra forsendum. Hennar mottó er því: „Við stjórnum viðhorfi okkar sjálf og getum því alltaf skapað okkur vinningsaðstæður"

Trúnaður og siðareglur

Markþjálfun hjá Ragnheiði Aradóttur lýtur ströngum siðareglum ICF og er farið eftir þeim í hvívetna. Siðareglur ICF má finna hér.

Markþjálfi og viðskiptavinur munu sameiginlega leita bestu leiða til árangurs fyrir viðskiptavin. Hlutverk markþjálfans er að bera hag viðskiptavinarins fyrir brjósti og starfa af fullum heilindum að því að hann nái markmiðum sínum og fái sem mest út úr samvinnunni.

Fullur trúnaður ríkir á milli markþjálfa og viðskiptavinar innan samningstímans sem utan hans. Allar upplýsingar sem viðskiptavinur deilir með markþjálfa munu hvorki verða nýttar beint eða óbeint af markþjálfa honum í hag né veittar þriðja aðila. Markþjálfinn mun ekki upplýsa um samstarf sitt og viðskiptavinar án samþykkis þess síðarnefnda.

Eðli samstarfsins

Markþjálfunin er hvorki sálfræðileg ráðgjöf né meðferðarúrræði og er heldur ekki ætluð sem viðskiptaráðgjöf. Finni viðskiptavinurinn þörf fyrir faglega ráðgjöf eða meðferð, er það á ábyrgð hans að leita slíkrar aðstoðar hjá þar til gerðum sérfræðingi. Árangur markþjálfunarinnar er undir viðskiptavini kominn og á hans ábyrgð.